მესის ემოციური მიმართვა აგუეროს: "არასდროს დამავიწყდება ერთად გატარებული მომენტები"
"პსჟ"-ს თავდამსხმელმა, ლიონელ მესიმ "ბარსელონას" ყოფილ თავდამსხმელს, სერხიო აგუეროს მიმართა, რომელმაც დღეს კარიერის დასრულების შესახებ განაცხადება გააკეთა.
"თითქმის მთელი კარიერა ერთად, კუნ...ერთად განვიცადეთ მშვენიერი და არც ისე სასიამოვნო მომენტები, მაგრამ ისინი უფრო და უფრო გვაერთიანებდნენ, ჩვენი მეგობრობა ძლიერდებოდა.
ჩვენ გავაგრძელებთ მოედნის მიღმა მეგობრობას. არც ისე დიდი ხნის წინ, ჩვენ დიდი სიხარული განვიცადეთ ამერიკის თასის მოგებით, გადავხედე შენს მიღწევებს ინგლისში...
სიმართლე ის არის, რომ ახლა ძალიან მტკივნეულია იმის დანახვა, თუ როგორ უნდა შეწყვიტო იმის კეთება, რაც ყველაზე მეტად გიყვარს. რა დაგემართა. რა თქმა უნდა, შენ დარჩები ბედნიერი.
შენ ხარ ადამიანი, ვინც ბედნიერებას ავრცელებს. ვინც გიყვარს, ისინი შენთან იქნებიან. შენს ცხოვრებაში ახალი ეტაპი იწყება და დარწმუნებული ვარ, რომ იცხოვრებ ღიმილით და შთაგონებით, რასაც ყველაფერში დებ.
ყოველივე საუკეთესო ამ ეტაპზე!!! ძალიან მიყვარხარ მეგობარო. მომენატრება ერთობლივი მატჩები და ის მომენტები, რომლებიც არგენტინის ნაკრებში განვიცადეთ!” - დაწერა მესიმ.
