ახალი სეზონის მე-3 ტრანსფერი - დინამო თბილისმა უკრაინელი თავდამსხმელი დაიმატა
![ახალი სეზონის მე-3 ტრანსფერი - დინამო თბილისმა უკრაინელი თავდამსხმელი დაიმატა](http://storage.goal.ge/uploads/posts/VKMfqP9umRM3XlaXEy8pF0lv3zN1TjVU.jpg)
23 წლის უკრაინელი ცენტრფორვარდი სტანისლავ ბილენკი დინამო თბილისში ითამაშებს.
ამის შესახებ დედაქალაქური გუნდის ოფიციალური ვებგვერდი იუწყება და წერენ, რომ მხარეებს შორის ხელშეკრულება 2+1 სისტემით გაფორმდა.
სტანისლავ ბილენკი სლოვაკური დუნაისკა სტრედას საკუთრება იყო და 2021 წლის სეზონში განათხოვრების წესით ბრესტის დინამოში თამაშობდა. უკრაინელი ფორვარდის ანგარიშზე 31 მატჩში 14 გოლი და 4 საგოლე გადაცემაა. ბილენკიმ ბელარუსის ჩემპიონატის ბომბარდირთა დავაში მესამე ადგილი დაიკავა.
ახალი სეზონისთვის დინამო თბილისში ეს მე-3 ტრანსფერია, გუნდმა კი მხოლოდ პირველი გააოფიციალურა. GOAL.GE-მ რამდენიმე დღის წინ გაცნობათ, რომ გორის დილადან ოსმან კამარა და გაგრადან დავით კერესელიზე დინამო თბილისში ითამაშებენ.