ავტორიზაცია
"გადამწყვეტი მომენტი დგება", - რას გეგმავს ბარსელონა დემბელეს კონტრაქტთან დაკავშირებით?
"ბარსელონას" დირექტორმა, მატეუ ალემანიმ გუნდის თავდამსხმელის, უსმან დემბელეს მომავალზე კომენტარი გააკეთა.
"ლურჯ-ბროწეულისფერთა" ფუნქციონერის თქმით, კატალონიურ გრანდს 24 წლის ფრანგის კონტრაქტთან დაკავშირებული საკითხის გადაწყვეტა მიმდინარე წლის ბოლომდე სურს.
"უსმანი ყოველთვის გვეუბნებოდა, რომ "ბარსელონაში" დარჩენა უნდა. ახლა გადამწყვეტი მომენტი დგება, ამ სიტუაციასთან გამკლავება წლის ბოლომდე გვსურს", - ციტირებს გავლენიანი ჟურნალისტი, ფაბრიციო რომანო ალემანის სიტყვებს.
2021/22 წლების სეზონში დემბელემ "ბარსელონას" მაისურით ყველა ტურნირზე ერთად 7 მატჩი ჩაატარა და ერთი შედეგიანი პასი მიითვალა.
ცნობისთვის, მოქმედი ხელშეკრულების ვადა უსმანს "ლურჯ-ბროწეულისფრებთან" 2022 წლის ივნისის ბოლოს ეწურება.
