ასეთი რამ უკვე ათეული წელია არ მომხდარა — ლეო მესიმ პსჟ-ში თავისი ანტირეკორდი გაიმეორა

მოგეხსენებათ, "პარი სენ ჟერმენმა" საფრანგეთის ჩემპიონატის ეგიდით "ლორიანთან" (1:1) სტუმრად გამართულ მატჩში ფრედ ითამაშა.

პარიზელთა თავდამსხმელს, ლიონელ მესის აღნიშნულ შეხვედრაში შედეგიანობით თავი არ გამოუჩენია.

34 წლის არგენტინელმა მიმდინარე სეზონში "პსჟ"-ს მაისურით მე-8 გასვლითი შეხვედრა ჩაატარა და ყველა შემთხვევაში მოედანი უგოლოდ დატოვა.

ასე და ამგვარად, ლეომ კარიერაში თავისი ყველაზე ცუდი სერია გაიმეორა - 2006 წლის სექტემბრიდან 2007 წლის მარტის ჩათვლით მესიმ "ბარსელონას" რიგებში ზედიზედ 8 გასვლით მატჩში ვერ გაიტანა.

საერთო ჯამში, მიმდინარე სეზონში ყველა ტურნირზე ერთად პარიზელთა სუპერვარსკვლავმა 16 მატჩი ჩაატარა, 6 გოლი გაიტანა და 5 საგოლე გადაცემა გააკეთა.

"მესის მილიონამდე მაისურის გაყიდვა? უფრო მეტიც შეგვიძლია", - პსჟ-ს დირექტორი