ავტორიზაცია
დემბელეს პრემიერ ლიგის კლუბი დაუკავშირდა, თუმცა მისი მომავალი უკვე გადაწყვეტილია?!
"ნიუკასლის" ხელმძღვანელობა "ბარსელონას" თავდამსხმელის, უსმან დემბელეს გადაბირებითაა დაინტერესებული.
"კაჭკაჭების" წარმომადგენლები 24 წლის ფრანგს უკვე დაუკავშირდნენ. მიუხედავად ამისა, "ლურჯ-ბროწეულისფრები" დარწმუნებულები არიან, რომ ფეხბურთელი "ბარსასთან" კონტრაქტს გაახანგრძლივებს.
როგორც "ბლაუგრანაში" ფიქრობენ, მხარეები შეთანხმებას უახლოეს დღეებში მიაღწევენ. გუნდის მთავარი მწვრთნელი, ხავი ახალი ხელშეკრულების გაფორმების მომხრეა.
ცნობისთვის, დემბელეს "ბარსელონასთან" მოქმედი ხელშეკრულების ვადა 2022 წლის 30 ივნისს ეწურება.
მიმდინარე სეზონში უსმანმა ყველა ტურნირზე ერთად 7 მატჩში მიიღო მონაწილეობა და ერთი შედეგიანი პასი გააკეთა.
