ავტორიზაცია
დემბელესთან შეთანხმება ვერ ხერხდება — რა გეგმები აქვს ბარსელონას ხელმძღვანელობას?
"ბარსელონაში" "ლურჯ-ბროწეულისფერთა" მარჯვენა გარემარბის, უსმან დემბელეს მომავალი ჯერაც გაურკვეველია.
24 წლის ფრანგი და კატალონიური გრანდი ახალ კონტრაქტზე ვერ თანხმდებიან.
როგორც Diario Sport-ი იტყობინება, "ბარსა" დემბელეს იანვარშივე გაყიდის, თუ მხარეები ხელშეკრულების გახანგრძლივებაზე კომპრომისს ვერ მიაღწევენ.
კატალონიელები ნებისმიერ წინადადებას განიხილავენ, რათა გარკვეული ოდენობის თანხა მიიღონ. შეგახსენებთ, "ბლაუგრანამ" უსმანის სანაცვლოდ თავის დროზე "დორტმუნდს" 105 მილიონი ევრო გადაუხადა.
დემბელემ, რომელიც მომავალ ზაფხულს თავისუფალი აგენტი ხდება, მიმდინარე სეზონში ყველა ტურნირზე ერთად 8 მატჩი ჩაატარა და 2 შედეგიანი პასი გააკეთა.
