ლუკაკუ: "იუვენტუსი ან მილანი? იტალიაში ჩემთვის მხოლოდ ერთი კლუბი არსებობს"
"ჩელსის" თავდამსხმელმა, რომელუ ლუკაკუმ, რომელსაც აქამდე "ინტერში" უთამაშია, თქვა, რომ "იუვენტუსში" ან "მილანში" არასოდეს გადავა.
"გადავალ თუ არა მომავალში "იუვენტუსში" ან "მილანში"? არასოდეს, არასოდეს", - ციტირებს ბელგიელი ფორვარდის სიტყვებს გავლენიანი ჟურნალისტი, ფაბრიციო რომანო.
"კიდევ ერთხელ: არასოდეს. ეს არასოდეს მოხდება".
"იუვენტუსს" ჩემი ყიდვა უნდოდა, მაგრამ როცა ანტონიო კონტე "ინტერს" ჩაუდგა სათავეში, ჩემს პრიორიტეტად მასთან გადასვლა იქცა".
"იტალიაში ჩემთვის მხოლოდ "ინტერი" არსებობს", - დასძინა ლუკაკუმ.
შეგახსენებთ, 28 წლის ფორვარდის სანაცვლოდ გასულ ზაფხულს "ჩელსიმ" "ნერაძურის" 115 მილიონი ევრო გადაუხადა.