ავტორიზაცია
მორატას მეუღლემ მეგობრებს ესპანეთში გადასვლის შესახებ ამცნო — ბარსელონაში ტრანსფერი ახლოვდება?
"ატლეტიკოს" საკუთრებაში მყოფმა "იუვენტუსის" თავდამსხმელმა, ალვარო მორატამ ამ ზამთარს შესაძლოა სამუშაო ადგილი შეიცვალოს.
ასე და ამგვარად, 29 წლის ფორვარდის მეუღლემ, ალიჩე კამპელომ ვენეციაში მეგობრებს უთხრა, რომ ესპანეთში გადადის.
აღნიშნულ ინფორმაციას ჟურნალისტი, მასიმილიანო ნეროცი ავრცელებს.
როგორც ჩანს, მორატას "ბარსელონაში" გადასვლა გადაწყვეტილი ამბავია - კატალონიური გრანდი მორატას იჯარით დაიმატებს.
მიმდინარე სეზონში ალვარომ ყველა ტურნირზე ერთად "იუვეს" რიგებში 23 მატჩი ჩაატარა, 7 გოლი გაიტანა და 3 შედეგიანი გადაცემა გააკეთა.
