3 ტოპ ფეხბურთელი, რომელთა ზაფხულში გაშვებითაც რეალი დაახლოებით 60 მლნ ევროს დაზოგავს
![3 ტოპ ფეხბურთელი, რომელთა ზაფხულში გაშვებითაც რეალი დაახლოებით 60 მლნ ევროს დაზოგავს](http://storage.goal.ge/uploads/posts/H5rCIKB6QsjcjvIQB3b2FsBCkRAbbwO8.jpg)
"რეალის" ფეხბურთელებმა, გარეტ ბეილმა, ისკომ და მარსელომ ზაფხულში შესაძლოა მადრიდული გრანდი თავისუფალი აგენტის სტატუსით დატოვონ.
აღნიშნულ ინფორმაციას ავტორიტეტული ესპანური გამოცემა AS-ი ავრცელებს.
ასე და ამგვარად, როგორც იწერება, თუ ზემოთნახსენებ მოთამაშეებთან კონტრაქტი არ გახანგრძლივდება, "სამეფო კლუბი" დაახლოებით 60 მილიონ ევროს დაზოგავს - იმდენს, რამდენსაც ამჟამად მათ ხელფასებში ხარჯავს.
ბეილს "რეალი" წლიურად დაახლოებით 30 მილიონს უხდის, ისკოს - 14 მილიონს, ხოლო მარსელოს - 16 მილიონს. აღნიშნული თანხა ახალი ფეხბურთელების დამატებას მოხმარდება.
მიმდინარე სეზონში 32 წლის უელსელმა "ბლანკოსის" რიგებში 3 მატჩი ჩაატარა და 1 გოლი გაიტანა, 29 წლის ესპანელმა 8 შეხვედრაში მიიღო მონაწილეობა, მანაც ერთხელ აიღო მეტოქის კარი, ხოლო 33 წლის ბრაზილიელი მინდორზე 6-ჯერ მოგვევლინა.