იუვენტუსმა მორატას აცნობა, თუ რა შემთხვევაში ჩაშლის მის ტრანსფერს ბარსელონაში
ტურინის "იუვენტუსის" თავდამსხმელის, ალვარო მორატას კატალონიის "ბარსელონაში" ტრანსფერი შესაძლოა ჩაიშალოს.
როგორც ავტორიტეტული ჟურნალისტი, ფაბრიციო რომანო იტყობინება, "ბებერი ქალბატონის" ხელმძღვანელობა და გუნდის მთავარი მწვრთნელი, მასიმილიანო ალეგრი ორშაბათს 29 წლის ესპანელს შეხვდნენ და აცნობეს, რომ "ლურჯ-ბროწეულისფერთა" რიგებში არ გაუშვებენ, თუ ამ ზამთარს მისი შემცვლელის იჯარით დამატებას ვერ მოახერხებენ.
ამ შემთხვევაში, მორატა სეზონის ბოლომდე "იუვენტუსში" დარჩება, მაგრამ აქამდე დაიწერა, რომ მისი "ბარსაში" გადასვლა პრაქტიკულად შეთანხმებულია.
"იუვეს" მიზანი" ივნისში ახალგაზრდა ტოპ ფორვარდის შეძენაა. "პსჟ"-სთან მაურო იკარდის თაობაზე მიმდინარე მოლაპარაკებებში წინსვლა ჯერ არ შეიმჩნევა.
მიმდინარე სეზონში მორატამ ყველა ტურნირზე ერთად "ბებერი ქალბატონის" რიგებში 23 მატჩი ჩაატარა, 7 გოლი გაიტანა და 2 შედეგიანი გადაცემა გააკეთა.
