ავტორიზაცია
ოცნების გუნდის ბოლო აკორდი? რონალდუ შესაძლოა პსჟ-ს ფეხბურთელი გახდეს
„მანჩესტერ იუნაიტედის“ თავდამსხმელი კრიშტიანუ რონალდუ შესაძლოა „პსჟ-ს“ ფეხბურთელი გახდეს.
ფრანგული Le10Sport-ის ინფორმაციით, კილიან მბაპე გუნდიდან წასვლასთან არის, ამიტომ პარიზული გუნდის ხელმძღვანელობა შემტევის ძიებაში იმყოფება და მზადაა, რონალდუს გადაბირება სცადოს, თუ პორტუგალიელი „ემიუს“ დატოვების მზადყოფნას გამოთქვამს.
როგორც ცნობილია, რონალდუ „იუნაიტედში“ არსებული ვითარებით უკმაყოფილოა და თუ სიტუაცია უახლოეს პერიოდში არ გამოსწორდება, გუნდის დატოვება სურს.
მიმდინარე სეზონში კრირომ პრემიერ ლიგის 16 მატჩში 8 გოლი და 3 საგოლე გადაცემა მიითვალა.
საინტერესოა, რომ „პსჟ-ში" გადასვლას რონალდუს გასულ ზაფხულსაც უკავშირებდნენ, თუმცა სატრანფერო სიგიჟეების შემდეგ, პარიზელებს კიდევ ერთი სუპერვარსკვლავის დამატება აღარ უცდიათ.
