ანჩელოტი: "მოდრიჩს რეალთან სამუდამო კონტრაქტი აკავშირებს"
მადრიდის „რეალის“ მთავარმა მწვრთნელმა, კარლო ანჩელოტიმ ლუკა მოდრიჩის კონტრაქტის სიტუაციაზე გააკეთა კომენტარი.
ხორვატ ნახევარმცველს გუნდთან მოქმედი ხელშეკრულება სეზონის ბოლოს ეწურება, თუმცა სანდო ინსაიდერის, ფაბრიციო რომანოს ინფორმაციით, მხარეებს შორის თანამშრომლობის კიდევ ერთი წლით გახანგრძლივება მხოლოდ დროის ამბავია.
ანალოგიური რამ დაადასტურა „რეალის“ მთავარმა მწვრთნელმაც:
„ლუკა მოდრიჩს გუნდთან ახალი კონტრაქტი ჯერ არ გაუფორმებია, თუმცა მას „რეალთან“ პრაქტიკულად სამუდამო კონტრაქტი აკავშირებს.“ - ციტირებს კარლოს სიტყვებს რომანო საკუთარ სოციალურ ქსელში.
მოდრიჩი „რეალში“ 2012 წელს „ტოტენჰემიდან“ გადავიდა და პირველივე წერს ესპანურმა გამოცემა Marca-მ ის წლის ყველაზე ცუდ ტრანსფერად დაასახელა ესპანეთში. თუმცა, მას შემდეგ ბევრი რამ შეიცვალა და მოდრიჩი დღეს გუნდის ერთ-ერთი კაპიტანიც კია.
