ჯენოა შევჩენკოს კომპენსაციის სახით სოლიდურ თანხას გადაუხდის

"ჯენოას" მთავარმა მწვრთნელმა, ანდრეი შევჩენკომ უახლოეს პერიოდში შესაძლოა დაკავებული თანამდებობა დატოვოს.

როგორც იტალიურ მედიასი იწერება, კლუბი და უკრაინელი სპეციალისტი კონტრაქტის გაწყვეტაზე აწარმოებენ მოლაპარაკებებს.

უკრაინელი იტალიის თასზე "მილანთან" გასამართ დღევანდელ სათასო მატჩში გამარჯვების შემთხვევაშიც კი ვეღარ შეინარჩუნებს პოსტს.

"ჯენოა" იძულებული იქნება შევჩენკოსა და მის სამწვრთნელო შტაბს დაახლოებით 20 მილიონი ევრო გადაუხადოს, თუ მასთან თანამშრომლობას ვადაზე ადრე გაწყვეტს.

გენუელთა ხელმძღვანელობამ "ლიონისა" და "რომას" თავკაც რუდი გარსიასთან ჩანიშნეს შეხვედრა. 57 წლის ფრანგი "ჯენოასთვის" პრიორიტეტული ვარიანტია.

აღნიშნულ თანამდებობაზე დანიშვნის კიდევ ერთი კანდიდატი "ჰერტას" ექს დამრიგებელი, ბრუნო ლაბადიაა. La Repubblica წერს, რომ გენუელებმა ამ კანდიდატურაზე შეაჩერეს არჩევანი.

შევჩენკოს ხელმძღვანელობით "ჯენოამ" 10 მატჩი ჩაატარა, საიდანაც ერთადერთი მოიგო - იტალიის თასის ეგიდით, "სალერნიტანასთან" (1:0). ჩემპიონატში გენუელებმა 6 მარცხი იწვნიეს, 3-ჯერ კი ფრედ ითამაშეს. გუნდი ცხრილში მე-19 ადგილზეა.

სერია ა-ში დაბრუნება საშინელი გამოდგა — ლეგენდარულმა შევჩენკომ ისტორიული ანტირეკორდი დაამყარა