პავარი ჩემპიონთა ლიგაზე: "ჩვენ ბაიერნი ვართ, არც რეალის გვეშინია და არც პარი სენ ჟერმენის"
"ბაიერნის" მარჯვენა მცველმა, ბენჟამენ პავარმა ჩემპიონთა ლიგის მიმდინარე გათამაშებაში მიუნხენური გრანდის ამბიციებზე ისაუბრა.
"არც ერთი გუნდი არ გვაშინებს. ჩვენ მიუნხენის "ბაიერნი" ვართ, მსოფლიოს ერთ-ერთი საუკეთესო კლუბი".
"არც "რეალის" გვეშინია და არც "პარი სენ ჟერმენის", - ციტირებს 25 წლის ფრანგის სიტყვებს Telefoot-ი.
მოგეხსენებათ, ევროპის მთავარი საკლუბო ტურნირის 1/8 ფინალში "რეკორდმაისტერი" "ზალცბურგს" დაუპირისპირდება. მატჩები 15 თებერვალსა და 8 მარტს გაიმართება.
ცნობისთვის, პავარი "ბაიერნის" ღირსებას 2019 წლის ზაფხულიდან იცავს, მიმდინარე სეზონში მან ყველა ტურნირზე ერთად 19 მატჩი ჩაატარა და ორი შედეგიანი პასი გააკეთა.