ავტორიზაცია

ბარსელონამ დემბელეს შეძენა პრემიერ ლიგის ორ კლუბს შესთავაზა და ფასიც დაუსახელა

ბარსელონამ დემბელეს შეძენა პრემიერ ლიგის ორ კლუბს შესთავაზა და ფასიც დაუსახელა
თარიღი: 17 იან 2022, 18:44

"ბარსელონას" გარემარბმა, უსმან დემბელემ კარიერა შესაძლოა პრემიერ ლიგაში გააგრძელოს, იტყობინება გავლენიანი ესპანური გამოცემა Diario Sport-ი.

გავრცელებული ინფორმაციით, კატალონიურმა გრანდმა ორ ინგლისურ კლუბს შესთავაზა 24 წლის ფრანგის 20 მილიონ ევროდ შეძენა.

როგორც აღინიშნება, საუბარია "მანჩესტერ იუნაიტედსა" და "ნიუკასლზე".

მოგეხსენებათ, "ლურჯ-ბროწეულისფრები" დემბელეს კონტრაქტის გახანგრძლივებაზე ვერ შეუთანხმდნენ, ამიტომაც მის გაყიდვას ამ ზამთარსვე გეგმავენ, რათა ზაფხულში უფასოდ არ დაკარგონ. თავად ფეხბურთელსაც სურს ინგლისში თამაში.

მიმდინარე სეზონში უსმანმა ყველა ტურნირზე ერთად 11 მატჩი ჩაატარა, 1 გოლი გაიტანა და 2 ასისტიც მიითვალა.