ავტორიზაცია
"ძალიან მნიშვნელოვანი ფეხბურთელია", - ხავიმ არაუხოს ახალი კონტრაქტის აუცილებლობას გაუსვა ხაზი
„ბარსელონას“ მთავარმა მწვრთნელმა, ხავი ერნანდესმა, გუნდის მცველის, რონალდ არაუხოს კონტრაქტზე ისაუბრა.
ურუგვაელ ცენტრალურ მცველს გუნდთან ხელშეკრულება 2023 წლის ზაფხულში იწურება და „ბარსელონა“ მასთან თანამშრომლობის გახანგრძლივებაზე აქტიურად მუშაობს.
„მასთან კონტრაქტის გახანგრძლივება - „ბარსასთვის“ პრიორიტეტულია. ის ძალიან მნიშვნელოვანი ფეხბურთელია, რომელსაც გამარჯვებულის მენტალიტეტი აქვს.
იმედი მაქვს, რომ შეთანხმება მიღწეული იქნება, იმიტომ რომ ეს ფეხბურთელი ჩვენთვის საჭიროა აწმყოშიც და მომავალშიც. ის გუნდს ბევრს აძლევს.“ - აღნიშნა ხავიმ.
არაუხოს გარდა, „ბარსა“ აქტიურად მუშაობს გავის კონტრაქტზეც.
