იუვენტუსსა და პსჟ-ს შორის შეთანხმებული ტრანსფერი ფიფას წესების საწინააღმდეგო აღმოჩნდა
ფეხბურთელი, რომლის შესახებაც "იუვენტუსის" ფანებს ესმოდათ ბოლო რამდენიმე კვირის განმავლობაში, იყო მაურო იკარდი. სერია ა-ს ძველი ნაცნობი, რომელიც აღმოჩნდა "ბიანკონერის" სატრანსფერო რადარზე.
Sky Sport-ის ცნობით, იანვრის დასაწყისში პარიზულ კლუბთან მოლაპარაკებები მართლაც დაიწყო და საკმაოდ რეალური იყო, მაგრამ სწორედ ფრანგების თხოვნამ ჩაშალა ისინი: იკარდის ნაცვლად "პსჟ"-მ "იუვეს" მოიზე კინი სთხოვა.
21 წლის მოიზემ 2020/21 სეზონი "პსჟ"-ში გაატარა და კარგი შთაბეჭდილება დატოვა, დედაქალაქურ კლუბში 41 მატჩში 17 გოლი გაიტანა, თუმცა, თუ კლუბები ამ გარიგებას განახორციელებენ, მაშინ ის ბათილი იქნება, რადგან ის არ შეესაბამება ფიფას წესებს.
წესების მიხედვით, მოთამაშეებს არ შეუძლიათ ერთი სეზონის განმავლობაში ორზე მეტ კლუბში თამაში. მოიზე კინმა, "იუვენტუსთან" მატჩების გარდა, "ევერტონთან" ერთად 59 წუთი ითამაშა ლიგის თასზე.
ეს იყო გასული წლის 24 აგვისტოს "ჰადერსფილდის" წინააღმდეგ და ამიტომ, რომც "იუვენტუსს" სურდეს კინის მიცემა პარიზელებისთვის, კლუბი მას ვერ ჩართავს მაურო იკარდის გარიგებაში.
