მანჩინი: "არის თუ არა ბალოტელის გამოძახება სასოწარკვეთის ნიშანი?"

თარიღი: 26 Jan 2022, 20:08

იტალიის ნაკრების მთავარმა მწვრთნელმა, რობერტო მანჩინიმ, გუნდში „ადამა დემირსპორის“ 31 წლის ფორვარდის დაბრუნებაზე ისაუბრა.

„აქ შევიკრიბეთ, რომ დღეს და ხვალ ვარჯიშები ჩავატაროთ, პარასკევს კი ორმხრივ მატჩს გავმართავთ. გარკვეულ ტაქტიკურ გადაწყვეტილებებს შევამოწმებთ, რადგან ორი დღე - ბევრი არ არის, მაგრამ საკმარისია, რომ შევაფასოთ ისინი, ვინც ნაკრებში დიდი ხანია არ გამოძახებულა. იტალიის ნაკრების კარი ყველასთვის გახსნილია და თუ გამოძახებულ ფეხბურთელებს ჩვენი დახმარება შეუძლიათ, ეს მხოლოდ გვახარებს.

ბალოტელის გამოძახება - სასოწარკვეთის ნიშანია? თუ სასოწარკვეთა - ის შეგრძნებაა, რომელსაც ევროს წინ ვგრძნობდით, ესეიგი ის ჩვენზე კარგად მოქმედებს. შეიძლება, როცა სასოწარკვეთილები ვართ, მაშინ ვაკეთებთ ყველაფერს, რაც ჩვენს ძალებშია. მაგრამ მინდა აღვნიშნო, რომ მარიოს ნაკრებში დაბრუნება - სულაც არ არის სასოწარკვეთის ნიშანი. ის ყოველთვის შესანიშნავ ტექნიკად ავლენდა.

მთავარია - მისი სათამაშო კონდიციები შევაფასოთ. ბოლო დროს ის თვალთხედვიდან დაგვეკარგა, ამიტომ მისი ახლოდან დანახვა სასარგებლო იქნება. ის არაფერს არ გვპირდება ისევე, როგორც ჩვენ არ ვპირდებით მას რაიმეს. ვფიქრობ, ის ნაკრებში ყოფნით ბედნიერია. მას ისევე შევაფასებ, როგორც ყველა დანარჩენ ფეხბურთელს.“ - აღნიშნა მანჩინიმ Football italia-სთან საუბარში.

ბალოტელის უკანასკნელი მატჩი „სკუადრა აძურას“ მაისურით 2018 წლით არის დათარიღებული.