"როცა გუნდში ასეთი ფეხბურთელები გყავს, იმარჯვებ", - ტურამმა პსჟ-სა და რეალის წყვილის ფავორიტი დაასახელა
საფრანგეთის ნაკრების ყოფილმა მცველმა, ლილიან ტურამმა ჩემპიონთა ლიგაზე "რეალსა" და "პსჟ"-ს შორის გასამართი 1/8 ფინალური მატჩის წინ საკუთარი აზრი გამოთქვა.
"ვფიქრობ, თუ ამ შეხვედრას ფავორიტი ჰყავს, მაშინ ეს "პსჟ"-ა. როცა გუნდში მესი, მბაპე და ნეიმარი არიან, მატჩის ან ორმატჩიანი დაპირისპირების წაგება ძალიან, ძალიან რთულია, რადგან საქმე მსოფლიოს საუკეთესო ფეხბურთელებს ეხება".
"გესმით ჩემი? როგორც წესი, როცა გუნდში ასეთი ფეხბურთელები გყავს, იმარჯვებ. მესი დიდ სხვაობას ქმნის, არა? აგრეთვე, მსოფლიოს ერთ-ერთი საუკეთესო მეკარე, მსოფლიოს ერთ-ერთი საუკეთესო მცველი ჰყავთ, მარკინიოსი. ორივე გოლკიპერი იმსახურებს სასტარტოში ყოფნას. არის კიმპემბეც - ნაკრების ფეხბურთელი...".
"ამიტომაც ვფიქრობ, რომ თუ აქ ფავორიტი არსებობს, მაშინ ეს "პსჟ"-ა", - ციტირებს ტურამის სიტყვებს Marca.
"პარი სენ ჟერმენისა" და "რეალის" დაპირისპირება სამშაბათს, 15 თებერვალს, თბილისის დროით 00:00 საათზე აიღებს სტარტს.
