ანჩელოტი: "კილიან მბაპე შეუჩერებელია, ჩვენ კი საპასუხო მატჩისთვის ბევრი რამ გვაქვს გასაუმჯობესებელი"
მადრიდის „რეალის“ მთავარმა მწვრთნელმა, კარლო ანჩელოტიმ, „პსჟ-სთან“ განვლილი შეხვედრა შეაფასა.
„მატჩის ყველა მონაკვეთზე ვიტანჯებოდით და თამაში აშკარად გასაუმჯობესებელი გვაქვს, მეტოქის პრესინგმა დაგვაზარალა, უფრო აგრესიულები უნდა ვყოფილიყავით, ძალიან კონსერვატიულად ვითამაშეთ.
მილიტაო შესანიშნავი იყო, მაგრამ კილიან მბაპეს ვერაფერი ვერ შეაჩერებს, ის შეუჩერებელია.
მსაჯს ვესაუბრე და ვუთხარი, რომ კაზემიროს და მენდის შემთხვევაში ყვითელი ბარათი დაუმსახურებელი იყო.
თავს კარგად ვიცავდით, მაგრამ არასაკმარისად აგრესიულები ვიყავით. ვერანაირი შანსი ვერ შევქმენით და ვერც ბურთს ვფლობდით.
„სანტიაგო ბერნაბეუზე“ მოედანზე 11 ფეხბურთელი გვეყოლება, „ბერნაბეუზე“ კი 50 ათასი გულშემატკივარი დაგვიჭერს მხარს, ეს უკვე ოპტიმიზმის საბაბია.
ბურთს საკმარისად ვერ ვფლობდით, ასე თამაში ჩვენს გეგმაში ნამდვილად არ ყოფილა.
„პსჟ-ს“ შემდეგ ეტაპზე გასვლის მეტი შანსი აქვს, თუმცა ჩვენთვისაც ეს მისია შეუსრულებელი არ არის.
კაზემიროს და მენდის არყოფნა? მეორე მატჩში მათი კარგი შემცვლელები გვეყოლება.“ - აღნიშნა იტალიელმა სპეციალისტმა.
