ავტორიზაცია
"ვერ ვაცნობიერებდი, ასეთი ბრწყინვალე ფეხბურთელი თუ იყო", - ნეიმარმა ვერატი ხავისა და ინიესტას გვერდით დააყენა
"პარი სენ ჟერმენის" თავდამსხმელმა, ნეიმარმა გუშინდელი მატჩის შემდეგ პარიზელთა ნახევარმცველი, მარკო ვერატი შეაქო.
მოგეხსენებათ, ჩემპიონთა ლიგის პირველი 1/8 ფინალური დაპირისპირების ეგიდით, პარიზელებმა "პარკ დე პრენსზე" "რეალი" მინიმალური ანგარიშით დაამარცხეს - 1:0.
"ვიცოდი, რომ ვერატი შესანიშნავი ფეხბურთელია, მაგრამ ვერ ვაცნობიერებდი, ასეთი ბრწყინვალე თუ იყო. გენიოსია".
"ერთ-ერთი საუკეთესო ნახევარმცველია მათ შორის, ვისთან ერთადაც მითამაშია, ხავისთან და ინიესტასთან ერთად", - ციტირებს ნეიმარის სიტყვებს უეფას პრესსამსახური.
შეგახსენებთ, პარიზელებსა და მადრიდელებს შორის საპასუხო დაპირისპირება 9 მარტს, მადრიდში, "სანტიაგო ბერნაბეუზე" გაიმართება.
