ავტორიზაცია

ესპანეთი რუსული გუნდების ევროტურნირებიდან მოკვეთის ინიციატივით გამოდის

ესპანეთი რუსული გუნდების ევროტურნირებიდან მოკვეთის ინიციატივით გამოდის
თარიღი: 27 თებ 2022, 23:53

ესპანეთი რუსული გუნდების ევროტურნირებიდან მოკვეთის ინიციატივით აპირებს გამოსვლას.

ამის შესახებ ესპანეთის საგარეო საქმეთა მინისტრმა, ხოსე მანუელ ალბარესმა განაცხადა.

„ევროკავშირს სხვა ზომების მიღებასაც შევთავაზებთ, ისეთებს როგორიცაა რუსული გუნდების ევროტურნირებიდან მოკვეთა.“ - აღნიშნა პოლიტიკოსმა.

ცნობისთვის, თუ ასეთი ზომა მიღებული იქნება, მოსკოვის „სპარტაკს“ ევროპა ლიგიდან მოხსნიან, საკალათბურთო „ცსკას“, „უნიქსს“ და „ზენიტს“ კი - ევროლიგიდან.

შეგახსენებთ, რომ 24 თებერვალს ვლადიმერ პუტინმა უკრაინის წინააღმდეგ ომის დაწყების ბრძანება გასცა, საომარი ქმედებები დღემდე გრძელდება და მსოფლიო უკრაინის მხარდასაჭერადაა გაერთიანებული.