ავტორიზაცია

"მათ ხედვას ვიზიარებთ", - რუსეთის ნაკრების წინააღმდეგ თამაშზე უარი კიდევ ერთმა დიდმა ნაკრებმა განაცხადა

"მათ ხედვას ვიზიარებთ", - რუსეთის ნაკრების წინააღმდეგ თამაშზე უარი კიდევ ერთმა დიდმა ნაკრებმა განაცხადა
თარიღი 28 თებ 2022, 16:07

შვეიცარიის საფეხბურთო კავშირმა (SFV) ოფიციალურ საიტზე გამოაცხადა, რომ რუსეთის ნაკრებთან მატჩების ჩატარებას არ აპირებს.

“SFV პოლონეთის, შვედეთის და ჩეხეთის პოზიციას იზიარებს, რომლებიც რუსეთის 2022 წლის მუნდიალის შესარჩევი ეტაპიდან დისკვალიფიკაციას ითხოვენ. ამ ასოციაციებთან სოლიდარობიდან გამომდინარე, ჩვენ არ ვაპირებთ რუსეთის ნაკრების წინააღმდეგ არანაირი მატჩების ჩატარებას.

ეს პოზიციას განხილვასაც არ ექვემდებარება და საჭიროების შემთხვევაში, გავრცელდება 2022 წლის ქალთა ევროპის ჩემპიონატზეც, რომელიც ინგლისში გაიმართება.“ - ნათქვამია კავშირის განცხადებაში.

გუშინ, ფიფამ რუსეთის ნაკრების წინააღმდეგ სანქციები დააწესა, თუმცა გუნდის პლეი-ოფიდან მოკვეთა ვერ გარისკა.