ფოტო: კონორ მაკგრეგორს ჩელსის ყიდვა უნდა და დაასახელა თანხა, რომლის გადახდისთვისაც მზადაა

მსუბუქ წონით კატეგორიაში UFC-ის ყოფილმა ჩემპიონმა, კონორ მაკგრეგორმა "ჩელსის" გაყიდვის თაობაზე განცხადება გააკეთა.

შეგახსენებთ, ლონდონური გრანდის რუსმა მფლობელმა, რომან აბრამოვიჩმა განაცხადა, რომ კლუბთან განშორებას გეგმავს, რომელსაც 2003 წლიდან ხელმძღვანელობდა.

"მინდა ამის შესაძლებლობა შევისწავლო", - წერს კონორი სოციალურ ქსელში და თან ურთავს მიმოწერის სქრინშოტს, სადაც ამბობს, რომ მზად არის 3 მილიარდი ფუნტი გადაიხადოს.

რუსმა მეწარმემ თავის დროზე "ჩელსი" 140 მილიონ ფუნტად იყიდა. მისი ხელმძღვანელობის ქვეშ "არისტოკრატებმა" 21 ტიტული მოიგეს.

ტუხელი: "აბრამოვიჩის ნებისმიერი გადაწყვეტილება სწორია, ეს კლუბი მას ეკუთვნის და არჩევანიც მასზეა"