ავტორიზაცია

უეფას პრეზიდენტი: "გული მეკუმშება იმის გამო, რომ რუსი სპორტსმენების დასჯა გვიწევს"

უეფას პრეზიდენტი: "გული მეკუმშება იმის გამო, რომ რუსი სპორტსმენების დასჯა გვიწევს"
თარიღი 12 მარ 2022, 12:03

უეფას პრეზიდენტმა, ალექსანდერ ჩეფერინმა რუსული ფეხბურთის წინააღმდეგ დაწესებული სანქციების შესახებ ისაუბრა.

მოგეხსენებათ, აქამდე, ფიფამ და უეფამ რუსული კლუბები ყველა საერთაშორისო ტურნირიდან ჩახსნეს.

– უეფამ ჩემპიონთა ლიგის ფინალი სანქტ-პეტერბურგიდან გადაიტანა. როგორ ეხმარებით უკრაინას?

"სპორტული სანქციები დავაწესეთ, უკრაინელი ბავშვებისთვისა და ლტოლვილებბისთვის მილიონ ევროზე მეტი გამოვყავით".

– როგორი ურთიერთობა აქვს უეფას პუტინთან?

"ადრე ყველაფერი კორექტულად იყო, შეხვედრისთვის კარგად ემზადებოდა. არა მგონია, ფეხბურთის გულშემატკივარი იყოს, უფრო მეტად სპორტის სხვა სახეობები მოსწონს".

– რუსი სპორტსმენებისა და გუნდების ტურნირებიდან მოკვეთას სწორ გადაწყვეტილებად მიიჩნევთ?

"ეს არა პოლიტიკური, არამედ ჰუმანიტარული კრიზისია. გული მეკუმშება, რომ სპორტსმენების დასჯა გვიწევს: მათ ეს ყველაფერი არ უნდოდათ, გადაწყვეტილება მათ არ მიუღიათ. მაგრამ მშვიდობის სახელით ერთიანობა უნდა გამოვავლინოთ", - ციტირებს ჩეფერინის სიტყვებს Corriere della Sera.