რონალდინიო მესისა და ნეიმარის მიმართ პსჟ-ს გულშემატკივრების სტვენას გამოეხმაურა
"პსჟ"-სა და "ბარსელონას" ყოფილი თავდამსხმელი, რონალდინიო პარიზელთა გულშემატკივრების მხრიდან ლიონელ მესისა და ნეიმარის მიმართ სტვენას გამოეხმაურა.
მოგეხსენებათ, აღნიშნული ინციდენტი საფრანგეთის ჩემპიონატის ეგიდით "ბორდოსთან" (3:0) გასულ უქმეებზე გამართული მატჩის მიმდინარეობისას მოხდა.
"ამ მომენტში გულშემატკივრები იმედგაცრუებულები იყვნენ, რადგან დიდი გუნდი ჰყავთ, რომლის შემადგენლობაშიც ბრწყინვალე ფეხბურთელები თამაშობენ".
"ძნელია ასეთ მოკლე დროში ყველაფრის კარგად და იდეალურად წარმართვა, მაგრამ ვფიქრობ, მალე ყველა ეს შესანიშნავი ფეხბურთელი, ერთად თამაშით, რაღაც ძალიან კარგს გააკეთებს", - ციტირებს რონალდინიოს სიტყვებს Fox Sports-ი.
შეგახსენებთ, "პარი სენ ჟერმენმა" ჩემპიონთა ლიგის საპასუხო 1/8 ფინალურ შეხვედრაში მადრიდულ გრანდთან სტუმრად 1:3 წააგო და ტურნირს გამოეთიშა, სწორედ ამან გამოიწვია პარიზელთა ფანების უკმაყოფილება.
