ბარსას ექს-ფეხბურთელი: "ვინმემ ამიხსენით რა სიგიჟეები გააკეთა ანჩელოტიმ, რეალს მწვრთნელი ჰყავს შესაცვლელი"

განვლილი კლასიკოს შემდეგ, „ბარსელონას" ექს-ნახევარმცველმა, ლუის სუარეს მირამონტესმა კარლო ანჩელოტის „რეალიდან" გაშვების საჭიროებაზე ისაუბრა.

ამ შეხვედრაში მადრიდულ გუნდს კარიმ ბენზემა და ფერლან მენდი ტრავმის გამო გამოაკლდნენ, რის გამოც ანჩელოტიმ მარცხენა მცველად ნაჩო ათამაშა, ცრუ ცხრიანის პოზიციაზე კი ლუკა მოდრიჩი დააყენა. 

შედეგად, იტალიელის გეგმამ არ იმუშავა და „რეალი" „სანტიაგო ბერნაბეუზე" 0:4 განადგურდა.

„რეალს მწვრთნელი ჰყავს შესაცვლელი, იმიტომ რომ ის წარმოუდგენელ სიგიჟეებს აკეთებს.

ვინმემ მაინც ამიხსნას, რა გაუკეთა მან მოდრიჩს. მან ასევე ნაჩოსთანაც აურია - ეს ფეხბურთელი ლატერალი ნამდვილად არ არის." - ციტირებს მირამონტესის სიტყვებს Cadena SER.

ხავი: "მადრიდს ყურებამდე გაღიმებულები ვტოვებთ, არ გვეგონა, რომ რეალს ასე ვაჯობებდით"