ავტორიზაცია
შაკირამ გამოაქვეყნა ფოტო, სადაც ოთხ თითს გვიჩვენებს: "პიკე მსოფლიოს საუკეთესო ცენტრალური მცველია"
შაკირამ "ბარსელონას" ცენტრალურ მცველ ხერარდ პიკეს, რომელიც მისი მეუღლეა, "რეალთან" გამარჯვება მიულოცა.
მოგეხსენებათ, კატალონიურმა გრანდმა ესპანეთის ჩემპიონატის 29-ე ტურში "სანტიაგო ბერნაბეუზე" "კლასიკო" გამანადგურებელი ანგარიშით მოიგო - 4:0.
კოლუმბიელმა მომღერალმა მატჩის შემდეგ გამოაქვეყნა ფოტო, სადაც ოთხ თითს გვიჩვენებს.
"ხერარდი ამაზე საჯაროდ საუბარს მიკრძალავს, მაგრამ მხოლოდ მას შეუძლია ასე გმირულად თამაში, ტრავმისა და ტკივილის დაძლევა, მთელი ძალების დახარჯვა".
"ამას იმიტომ არ ვამბობ, რომ ჩემი ქმარია, ის მსოფლიოს საუკეთესო ცენტრალური მცველია", - წერს შაკირა სოციალურ ქსელში.
