ავტორიზაცია
იტალიურ მედიაში დასახელდა კლუბები, რომლებსაც დიბალას ხელში ჩაგდება სურთ
"იუვენტუსის" თავდამსხმელმა, პაულო დიბალამ კარიერა შესაძლოა ინგლისში ან ესპანეთში გააგრძელოს.
მოგეხსენებათ, აქამდე, ტურინული გრანდის ხელმძღვანელობამ დაადასტურა, რომ არგენტინელს კონტრაქტს არ გაუხანგრძლივებს.
ასე და ამგვარად, 28 წლის სუპერვარსკვლავი მიმდინარე სეზონის დასრულების შემდეგ "ბებერი ქალბატონის" რიგებს უფასოდ დატოვებს.
როგორც ცნობილი იტალიური გამოცემები Football Italia და La Gazzetta dello Sport-ი იტყობინებიან, დიბალასადმი ინტერესს "ინტერი" და "ატლეტიკო" იჩენენ.
გარდა ამისა, გავრცელებული ინფორმაციით, დიბალას აგენტებს შესაძლო ტრანსფერზე "არსენალის" წარმომადგენლებიც დაუკავშირდნენ.
მიმდინარე სეზონში პაულომ ყველა ტურნირზე ერთად "იუვენტუსის" მაისურით 29 მატჩი ჩაატარა, 13 გოლი გაიტანა და 6 შედეგიანი პასი გააკეთა.
