ავტორიზაცია
"სიყვარულის ისტორია არ გამოვიდა, მესი ზაფხულში პარიზიდან უნდა წავიდეს", - პსჟ-ს ექს-ფეხბურთელი
"პარი სენ ჟერმენის" ყოფილმა ფეხბურთელმა, ჟერომ როტენმა პარიზელთა თავდამსხმელს, ლიონელ მესის კლუბიდან წასვლისკენ მოუწოდა.
"გააუმჯობესებს თუ არა არგენტინის ნაკრებში გატარებული 10 დღე სიტუაციას? დაეხმარება თუ არა ეს მას "პსჟ"-ში სეზონის უკეთესად ჩამთავრებაში? სკეპტიკურად ვარ განწყობილი".
"პსჟ"-სთან სიყვარულის ისტორია არ გამოვიდა. ეს ივნისში უნდა დასრულდეს. ყველასთვის უკეთესი იქნება", - ციტირებს როტენის სიტყვებს RMC Sport-ი.
შეგახსენებთ, 34 წლის არგენტინელი სუპერვარსკვლავი "პსჟ"-ს გასულ ზაფხულს "ბარსელონადან" თავისუფალი აგენტის სტატუსით შეუერთდა.
მიმდინარე სეზონში მესიმ ყველა ტურნირზე ერთად ფრანგული კლუბის მაისურით 26 მატჩი ჩაატარა, 7 გოლი გაიტანა და 11 შედეგიანი პასი გააკეთა.
