ავტორიზაცია
4 ევროპული ტოპ კლუბი, რომელიც დიბალას უფასო ტრანსფერზე მუშაობს
ტურინის "იუვენტუსის" თავდამსხმელის, პაულო დიბალას გადაბირებით ოთხი ევროპული ტოპ კლუბი ინტერესდება.
როგორც ცნობილი იტალიელი ჟურნალისტი, ნიკოლო სკირა წერს, არგენტინელის აგენტს შესაძლო ტრანსფერის თაობაზე "ინტერი", "ატლეტიკო", "ბარსელონა" და "პსჟ" დაუკავშირდნენ.
გავრცელებული ინფორმაციით, უახლოეს დღეებში შესაძლოა 28 წლის სუპერვარსკვლავის მომავალთან დაკავშირებით რამდენიმე შეხვედრა გაიმართოს.
მოგეხსენებათ, დიბალას "ბებერ ქალბატონთან" მოქმედი კონტრაქტის ვადა ზაფხულში ეწურება და "იუვეში" ოფიციალურად დაადასტურეს, რომ მხარეები თანამშრომლობას აღარ გააგრძელებენ.
მიმდინარე სეზონში პაულომ ყველა ტურნირზე ერთად ტურინელთა მაისურით 29 მატჩი ჩაატარა, 13 გოლი გაიტანა და 6 შედეგიანი პასიც გააკეთა.
