ავტორიზაცია
ხავი დიბალას გადაფასებულ ფეხბურთელად თვლის და მისი ბარსელონაში ტრანსფერის წინააღმდეგია
კატალონიის "ბარსელონას" მთავარი მწვრთნელი, ხავი თავდამსხმელ პაულო დიბალას დამატების წინააღმდეგია.
"იუვენტუსის" თავდამსხმელს კონტრაქტის ვადა მომავალ ზაფხულს ეწურება და საკუთარი ძალების მოსინჯვა ესპანეთის ჩემპიონატში სურს, წერს El Nacional-ი.
"რეალს" 28 წლის არგენტინელისადმი ინტერესი არ გამოუჩენია, აი "ბარსელონა" კი მისი მიწვევის შესაძლებლობას განიხილავდა. "ლურჯ-ბროწეულისფერთა" პრეზიდენტი, ჟოან ლაპორტა ასეთი "ფეშენებელური" ტრანსფერით კმაყოფილი დარჩებოდა.
მიუხედავად ამისა, ხავის აზრით, დიბალასთან ხელშეკრულების გაფორმება არ ღირს და მას გადაფასებულ ფეხბურთელად თვლის.
აქამდე გავრცელებული ინფორმაციით, პაულოსადმი ყურადღებას მილანის "ინტერი", "პარი სენ ჟერმენი" და მადრიდის "ატლეტიკოც" იჩენენ.
