"ჩემი კარიერა ევრო 2012-ისა და გვარდიოლასთან საუბრის შემდეგ დაინგრა", - ჰარტი
ჯო ჰარტი ცხრა სეზონის განმავლობაში "მანჩესტერ სიტის" მეკარე იყო. 2016 წელს მან კლუბი დატოვა იტალიურ "ტორინოში" გადავიდა, მაგრამ მხოლოდ ახლა ისაუბრა ამ გადაწყვეტილების მიზეზებზე პოდკასტში "In the Stiffs".
მეკარის თქმით, გვარდიოლამ მის პოზიციაზე დაინახა ფეხბურთელი, რომელიც კარგად ითამაშებდა ფეხებით. ამ მიზეზით მან აირჩია კლაუდიო ბრავო და შემდეგ გააფორმა კონტრაქტი ედერსონთან.
ჰარტის საზიანოდ ითამაშა წარუმატებელმა თამაშმა ინგლისის ნაკრების შემადგენლობაში ევროპის ჩემპიონატზე: "ეს ვიწინასწარმეტყველე. ევროპის ჩემპიონატი არც თუ ისე კარგი იყო ჩემთვის.
არა, ძალიან ცუდი ევროპის ჩემპიონატი მქონდა. როგორც კი შემეძლო, დავბრუნდი მანჩესტერში, რომ პირადად მესაუბრა გვარდიოლასთან. მან თქვა: მე ვერ ვხედავ შენში იმ თვისებებს, რაც მე მჭირდება.
მე ვუთხარი, რომ არ ვეთანხმები მის გადაწყვეტილებას. არასდროს მიწევდა იმის გაკეთება, რაც პეპს სჭირდებოდა. მსგავს სიტუაციაში ერთადერთი სამართლიანი გამოსავალი იქნებოდა ჩემთვის შანსის მოცემა", - განაცხადა ჰარტმა.
