კლუბი, სადაც გადასვლაც კანტემ ზამთრის სატრანსფერო ფანჯარაზე იუარა
"ჩელსის" ნახევარმცველმა, ნგოლო კანტემ ზამთრის სატრანსფერო ფანჯარაზე საფრანგეთის ჩემპიონატში გადასვლა იუარა.
როგორც ცნობილი ფრანგული გამოცემა Le Parisien-ი იტყობინება, 31 წლის ფეხბურთელის ხელში ჩაგდება "პსჟ"-მ სცადა.
გავრცელებული ინფორმაციით, პარიზელთა წარმომადგენლები კანტეს გადაბირებას ცდილობდნენ, თუმცა თავად ტრანსფერით არ დაინტერესებულა, რადგან ლონდონურ გუნდში თავს ბედნიერად გრძნობს.
ხაზგასმულია, რომ ნგოლოს "პსჟ"-სთვის უარი პირველად არ უთქვამს, მიუხედავად იმისა, რომ საფრანგეთის დედაქალაქშია დაბადებული.
მიმდინარე სეზონში კანტემ "ჩელსის" მაისურით ყველა ტურნირზე ერთად 31 მატჩი ჩაატარა, 2 გოლი გაიტანა და 4 შედეგიანი გადაცემა გააკეთა.