ფიფას პრეზიდენტი: "ვწუხვარ, რომ იტალია ზედიზედ მეორე მუნდიალს გამოტოვებს, ტირილი მინდება"
ფიფას პრეზიდენტი, ჯანი ინფანტინო 2022 წლის მსოფლიო ჩემპიონატის შესარჩევი ეტაპის ფლეი ოფში იტალიის ნაკრების მარცხით ნაწყენი დარჩა.
მოგეხსენებათ, "სკუადრა აძურა" ნახევარფინალში ჩრდილოეთ მაკედონიასთან (0:1) დამარცხდა და ზედიზედ მეორე მუნდიალს გამოტოვებს.
"ტირილი მინდა. ყველა იტალიელისთვის სამწუხარო დროა. ნაკრები ზედიზედ მეორედ ვერ გავიდა მსოფლიო ჩემპიონატზე".
"მახსოვს ჩემი ბავშვობის ემოციები 1978 და 1982 წლების ჩემპიონატებიდან - ასეთი მოვლენების წყალობით გიყვარდება ფეხბურთი. იტალიელი ბავშვების გამო ვწუხვარ", - ციტირებს შვეიცარიელის სიტყვებს La Gazzetta dello Sport-ი.
მოგეხსენებათ, ყატარში გასამართი მუნდიალი სტარტს 21 ნოემბერს აიღებს და 18 დეკემბრამდე გასტანს.