ავტორიზაცია
"აგენტი ლევანდოვსკის შეძენას ორ კლუბს სთავაზობს", - გავლენიანი გერმანელი ჟურნალისტი
მიუნხენის "ბაიერნში" თავდამსხმელ რობერტ ლევანდოვსკის მდგომარეობა კვლავ გაურკვეველია.
"რეკორდმაისტერს" პოლონელთან ახალ კონტრაქტზე მოლაპარაკებები ჯერ კიდევ არ დაუწყია, მხარეებს შორის მოქმედი ხელშეკრულების ვადა 2023 წლის ზაფხულში იწურება.
როგორც Sport Bild-ის ჟურნალისტი, კრისტიან ფალკი წერს, 33 წლის სუპერვარსკვლავის აგენტს, პინი ზაჰავის "ბარსელონასთან" და "პსჟ"-სთან მუდმივი კონტაქტი აქვს და ამ კლუბებს თავისი კლიენტის გადაბირებას სთავაზობს.
გავრცელებული ინფორმაციით, "ბაიერნის" ხელმძღვანელობამ აგენტის ქმედებების შესახებ იცის და ამას სერიოზულად ეკიდება.
მიმდინარე სეზონში ლევანდოვსკიმ ყველა ტურნირზე ერთად მიუნხენელთა მაისურით 37 მატჩი ჩაატარა და 45 გოლი გაიტანა.
