ავტორიზაცია
ლეონარდო მბაპეს მომავალზე: "მისი დარჩენის შანსი არსებობს, ჯერ კიდევ ფიქრობს"
"პსჟ"-ს სპორტულმა დირექტორმა, ლეონარდომ დაადასტურა ინფორმაცია იმის შესახებ, რომ გუნდის თავდამსხმელს, კილიან მბაპეს საკუთარ მომავალზე გადაწყვეტილება ჯერ კიდევ არ მიუღია.
პარიზელთა სპორტულმა დირექტორმა გუნდის ერთ-ერთ ლიდერზე განცხადება ლიგა 1-ის ტიტულის დასაკუთრების შემდეგ გააკეთა.
"კილიანი ჯერ კიდევ ფიქრობს. მისი დარჩენის შანსი არსებობს, მაგრამ ჩემი აზრით, ჯერ კიდევ ფიქრობს".
"მასთან ერთად თუ მის გარეშე - მომდევნო სეზონში ყველაფერი შეიცვლება", - ციტირებს ლეონარდოს სიტყვებს RMC-ი.
მოგეხსენებათ, 23 წლის ფრანგ სუპერვარსკვლავს "პსჟ"-სთან მოქმედი ხელშეკრულების ვადა ამა წლის 30 ივნისს ეწურება.
