ავტორიზაცია
ბარსელონასა და კრისტენსენს შორის შეთანხმებული კონტრაქტის დეტალები ცნობილია — AS
ცნობილი გახდა "ბარსელონასა" და "ჩელსის" მცველ ანდრეას კრისტენსენს შორის შეთანხმებული კონტრაქტის დეტალები.
აღნიშნულ ინფორმაციას ავტორიტეტული ესპანური გამოცემა AS-ი ავრცელებს.
ასე და ამგვარად, 26 წლის დანიელი "ბლაუგრანასთან" 5-წლიან კონტრაქტს მოაწერს ხელს და მისი წლიური ანაზღაურება დაახლოებით 5 მილიონი ევრო იქნება.
კრისტენსენი, როგორც ვარაუდობენ, კატალონიურ გრანდს ზაფხულში თავისუფალი აგენტის სტატუსით შეუერთდება, როცა "არისტოკრატებთან" მოქმედი ხელშეკრულების ვადა ამოეწურება.
მიმდინარე სეზონში კრისტენსენმა ყველა ტურნირზე ერთად "ჩელსის" მაისურით 33 მატჩი ჩაატარა, 2 გოლი გაიტანა და 1 შედეგიანი პასი გააკეთა.
