"რევანშის აღების დროა", - სალაჰი ჩემპიონთა ლიგის ფინალში რეალთან დაპირისპირების შესახებ
"ლივერპულის" თავდამსხმელს, მოჰამედ სალაჰს ჩემპიონთა ლიგის ფინალში მადრიდის "რეალის" დამარცხება უნდა.
– შესაძლებელია თუ არა კვადრუპლი?
"ვფიქრობ, დიახ. ყველაფერი ჩვენს ხელთ არ არის, ყველა მატჩი უნდა მოვიგოთ და "მანჩესტერ სიტის" ფეხის დაცდენის იმედი გვქონდეს. შესანიშნავი გუნდი ჰყავთ, ბრწყინვალე მწვრთნელი, დარწმუნებული ვარ, გამარჯვების გაგრძელება სურთ. ასეთი განწყობა გვაქვს: ნებისმიერი თასის მოგება შეგვიძლია".
"ჩემპიონთა ლიგის ფინალში გასვლით ძალიან აღელვებული ვარ, როგორც მთელი გუნდი. ეჭვი არ მეპარება, რომ რთული მატჩი იქნება, მადრიდელებმა ბევრი ძლიერი გუნდი დაამარცხეს. მხოლოდ თამაშზე უნდა ვიყოთ კონცენტრირებულები".
– რევანშის აღება გსურთ?
"დიახ. დიახ, რადგან 2018 წელს დავმარცხდით, სევდიანი დღე იყო. რევანშის აღების დროა", - ციტირებს ეგვიპტელი სუპერვარსკვლავის სიტყვებს Daily Mail-ი.
