ავტორიზაცია
ანჩელოტი: "რეალზე უკეთეს კლუბს ვერ ვიპოვი, ამიტომაც კარიერას დავასრულებ, როცა მადრიდიდან წავალ"
"რეალის" მთავარმა მწვრთნელმა, კარლო ანჩელოტიმ განაცხადა, რომ შეუძლია მადრიდულ გრანდში 80 წლამდე დარჩეს.
"თუ ყველაფერი კარგად იქნება, 80 წლამდე დავრჩები, ჭკუიდან თუ არ შევიშლები. როცა "რეალიდან" წავალ, კარიერას დავასრულებ. უკეთესი კლუბის პოვნა რთული იქნება".
"ვნახოთ, რა მოხდება, როცა მადრიდი ჩემით დაიღლება. მაგრამ პრობლემა არ არის, ჯერ კიდევ ბევრი რამ მაქვს გასაკეთებელი", - ციტირებს იტალიელი სპეციალისტის სიტყვებს Marca.
შეგახსენებთ, "პაპა კარლო" "სამეფო კლუბს" სათავეში გასულ ზაფხულს ჩაუდგა და 2024 წლის 30 ივნისამდე გათვლილი კონტრაქტი გააფორმა.
მიმდინარე სეზონში ანჩელოტიმ "რეალს" ესპანეთის ჩემპიონატი მოაგებინა და ჩემპიონთა ლიგის ფინალში გაიყვანა, სადაც მადრიდელები "ლივერპულს" დაუპირისპირდებიან.
