ავტორიზაცია
"პროცესში აგენტი, კლუბი და თავად ფეხბურთელიცაა ჩართული", - ხავი დემბელეს მომავალზე ალაპარაკდა
"ბარსელონას" მთავარმა მწვრთნელმა, ხავიმ გუნდის გარემარბის, უსმან დემბელეს შენარჩუნების შანსები შეაფასა.
"მასში ეჭვი არ მეპარება. მაშინაც კი, თუ მეტოქის კართან არ უმართლებს, დიდ ხიფათს ქმნის. მისით ძალიან კმაყოფილი ვარ", - ციტირებს ესპანელი სპეციალისტის სიტყვებს Diario Sport-ი.
"კლუბმა იცის, რას ვფიქრობ მომავალ სეზონთან დაკავშირებით. პროცესში აგენტი, კლუბი, თავად ფეხბურთელიცაა ჩართული. რთული იქნება, მაგრამ ვიმედოვნებ, კონტრაქტს გაახანგრძლივებს", - დასძინა ხავიმ.
მოგეხსენებათ, 24 წლის ფრანგს კატალონიურ გრანდთან მოქმედი ხელშეკრულების ვადა მიმდინარე სეზონის დასრულების შემდეგ ეწურება.
2021/22 წლების სეზონში დემბელემ ყველა ტურნირზე ერთად "ბარსელონას" ღირსება 30 მატჩში დაიცვა, 2 გოლი გაიტანა და 11 შედეგიანი გადაცემა გააკეთა.
