ატლეტიკოს გულშემატკივარი რეალის უკრაინელ მეკარეს: "აქ თამაშობ, შენი ქვეყანა კი ტირის"
მადრიდული დერბის წინ, "ატლეტიკოს" ერთ-ერთმა გულშემატკივარმა "რეალის" გოლკიპერს, ანდრეი ლუნინს შეურაცხყოფა მიაყენა.
კვირას, 8 მაისს, "როხიბლანკომ" "ბლანკოსს" უმასპინძლა და იანიკ ფერეირა კარასკოს ზუსტი თერთმეტმეტრიანით ანგარიშით 1:0 დაამარცხა.
აღსანიშნავია, რომ ლა ლიგაში უკრაინელი კიპერისთვის ეს მატჩი სადებიუტო აღმოჩნდა - არადა, უკვე თითქმის 4 წელი გავიდა, რაც "რეალის" ღირსებას იცავს.
გახურების დროს "ატლეტიკოს" გულშემატკივარმა ხმამაღლა დაიყვირა: "აქ თამაშობ, შენი ქვეყანა კი ტირის". ეს ფრაზა მან რამდენჯერმე გაიმეორა.
"ვანდა მეტროპოლიტანოზე" შეკრებილმა "როხიბლანკოს" ბევრმა გულშემატკივარმა ამ ადამიანის საქციელი დაგმო და უსტვინა.