ავტორიზაცია
ლაპორტას პასუხი კითხვაზე: "გსურთ თუ არა, რომ მესი ბარსელონაში დაბრუნდეს?"
"ბარსელონას" პრეზიდენტს, ჟოან ლაპორტას სურს, რომ "პსჟ"-ს თავდამსხმელი, ლიონელ მესი კატალონიურ გრანდში დაბრუნდეს.
"ლურჯ-ბროწეულისფერთა" ხელმძღვანელმა 34 წლის არგენტინელი სუპერვარსკვლავის შესაძლო დაბრუნების თაობაზე ჟურნალისტის კითხვას უპასუხა.
– გსურთ, რომ მესი დაბრუნდეს?
"დიახ, რა თქმა უნდა", - ციტირებს ლაპორტას სიტყვებს ესპანური მედია.
მოგეხსენებათ, მესი, რომელსაც მთელი კარიერა "ბარსელონაში" ჰქონდა გატარებული, "პსჟ"-ში გასული წლის აგვისტოში გადავიდა.
ლეოს პარიზულ კლუბთან მოქმედი კონტრაქტის ვადა 2023 წლის 30 ივნისამდე აკავშირებს. 2021/22 წლების სეზონში მან ყველა ტურნირზე ერთად 33 მატჩი ჩაატარა, 11 გოლი გაიტანა და 13 ასისტი მიითვალა.
