BREAKING: მბაპე ისე ახლოს არის რეალთან, როგორც არასდროს, დეტალებიც ცნობილია!
"რეალის" ხელმძღვანელობა "პსჟ"-ს თავდამსხმელის, კილიან მბაპეს ტრანსფერთან დაკავშირებით ოპტიმისტურადაა განწყობილი.
როგორც ცნობილი ჟურნალისტი, ჯანლუკა დი მარციო წერს, მადრიდული გრანდი დარწმუნებულია, რომ 23 წლის ფრანგი სუპერვარსკვლავი ზაფხულში შეუერთდება, მაგრამ "პსჟ" კილიანის შენარჩუნებას მაინც ცდილობს.
აქამდე, "რეალი" მბაპეს 5-წლიან კონტრაქტსა და სეზონში 25 მილიონ ევროიან ხელფასზე შეუთანხმდა. გარდა ამისა, ხელშეკრულებაში გათვალისწინებულია 100-მილიონიანი ხელმოწერის ბონუსიც. ეს შეთანხმება ძალაში რჩება და "სამეფო კლუბს" იმედი აქვს, რომ მალე დოკუმენტები ოფიციალურად გაფორმდება.
ამასთანავე, გავლენიანი ჟურნალისტის, ფაბრიციო რომანოს ინფორმაციით, "ბლანკოსი" ფრანგთან მიმდინარე მოლაპარაკებებს ახლა უფრო ოპტიმისტურად უყურებს, ვიდრე ოდესმე. ბოლო რამდენიმე დღეა მხარეებს მუდმივი კონტაქტი აქვთ და კომუნიკაციის შედეგი "პოზიტიურად" ფასდება - მათ შორის საიმიჯო უფლებების საკითხთან დაკავშირებითაც.
მბაპემ გუშინ კომენტარი გააკეთა და როგორც თქვა, საკუთარ მომავალზე მიღებულ გადაწყვეტილებას საფრანგეთის ნაკრების შეკრებამდე გამოაცხადებს, რომელიც 28 მაისს იწყება.
მიმდინარე სეზონში კილიანმა ყველა ტურნირზე ერთად "პსჟ"-ს მაისურით 44 მატჩი ჩაატარა, 36 გოლი გაიტანა და 21 შედეგიანი პასი გააკეთა.
