ავტორიზაცია
"რეალს ბავშვობიდან ვქომაგობ", - რა მესიჯი მისწერა მბაპემ ფლორენტინო პერესს დღეს დილით?
ცნობილი გახდა შეტყობინება, რომელიც კილიან მბაპემ ფლორენტინო პერესს პირადად მისწერა, მას შემდეგ, რაც „პსჟ-სთან“ კონტრაქტის გახანგრძლივება გადაწყვიტა.
დეტალებს El Chiringuito TV-ს ჟურნალისტი ხოსეფ პედრელოლი იტყობინება, რომელიც „რეალის“ პრეზიდენტთან ძალიან მეგობრულ ურთიერთობაშია.
„გატყობინებთ, რომ „პსჟ-ში“ დარჩენა გადავწყვიტე. მადლობა, რომ მომეცით საშუალება, მქონოდა შანსი მეთამაშა „რეალ მადრიდში“. გუნდში, რომელსაც ბავშვობიდან ვქომაგობ.
იმედია, გაიგებთ ჩემს გადაწყვეტილებას. წარმატებები ჩემპიონთა ლიგის ფინალში.“ - სწორედ ასეთი შეტყობინება მიიღო ფლირენტინო პერესმა ფრანგი ფეხბურთელისგან.
როგორც ცნობილია, მბაპე „პსჟ-სთან“ კონტრაქტს სამი წლით გაახანგრძლივებს. არადა, რამდენიმე დღის წინ მან პერესს „რეალში" გადასვლაზე თანხმობა პირადად განუცხადა.
