ოფიციალურად: კავანი ზაფხულში მანჩესტერ იუნაიტედს დატოვებს
"მანჩესტერ იუნაიტედის" თავდამსხმელი, ედინსონ კავანი ზაფხულში მანიკუნიანელთა რიგებს დატოვებს.
35 წლის ურუგვაელს მოქმედი კონტრაქტის ვადა ეწურება და გუნდიდან თავისუფალი აგენტის სტატუსით წავა.
კავანიმ გუშინ "ეშმაკუნების" მაისურით ბოლო მატჩი ჩაატარა - პრემიერ ლიგის 38-ე ტურში "კრისტალ პალასის" (0:1) წინააღმდეგ.
ედინსონი "იუნაიტედში" 2020 წელს გადავიდა. ამ დროის განმავლობაში მან საერთო ჯამში 59 მატჩი ჩაატარა და 19 გოლი გაიტანა.
რაც შეეხება 2021/22 წლების სეზონს, კავანიმ აწ უკვე გასულ სეზონში მანჩესტერელთა ღირსება 20 შეხვედრაში დაიცვა, მეტოქის კარი 2-ჯერ აიღო და ერთი ასისტიც მიითვალა.