ავტორიზაცია
მბაპეს საინტერესო პასუხი კითხვაზე: "მაინც ოცნებობ ერთ დღესაც რეალში გადასვლაზე?"
"პარი სენ ჟერმენის" თავდამსხმელმა, კილიან მბაპემ იმის შესახებ ისაუბრა, ოცნებობს თუ არა "რეალში" თამაშზე.
– მაინც ოცნებობ ერთ დღესაც "რეალში" გადასვლაზე?
"ახალი კონტრაქტი რამდენიმე დღის წინ გავაფორმე და ვფიქრობ, უპატივცემულობა იქნება იმის თქმა, რომ "რეალში" თამაშზე ვოცნებობ".
– მაგრამ არ გეკითხები, გააკეთებ თუ არა ამას. კითხვა იმაში მდგომარეობს, ეს ოცნებაა?
"ოცნება კარგია, მაგრამ დღეს მხოლოდ ჩემს ახალ კონტრაქტზე, აწმყოზე ვარ კონცენტრირებული. არასოდეს იცი, რა მოხდება... 3-წლიანი ხელშეკრულება მაქვს გაფორმებული და ახლა მომავალ სეზონზე უნდა გავამახვილო ყურადღება".
– ამბობდნენ, რომ ფლორენტინომ "რეალის" მაისური გამოგიგზავნათ. რა ბედი ეწევა ახლა მას?
"მაისური არ მოუცია, ამიტომაც არაფერი მოხდება", - ციტირებს მბაპეს სიტყვებს Marca.
