"კარგი შეკითხვაა, მაგრამ ახლა პასუხის გაცემა გამიჭირდება", - მანე ბაიერნში შესაძლო გადასვლის შესახებ
"ლივერპულის" გარემარბმა, სადიო მანემ "ბაიერნში" შესაძლო გადასვლის შესახებ დასმულ კითხვას უპასუხა.
"ვფიქრობ, ძალიან კარგი შეკითხვაა, მაგრამ ახლა პასუხის გაცემა გამიჭირდება. ცხადია, ჩემპიონთა ლიგის ფინალზე ვარ კონცენტრირებული".
"მატჩის შემდეგ მკითხეთ და გიპასუხებთ", - ციტირებს 30 წლის სენეგალელის სიტყვებს Metro.
აქამდე გავრცელებული ინფორმაციით, მიუნხენურ გრანდს მანეს ტრანსფერი არანაკლებ 50 მილიონი ევრო დაუჯდება.
აღსანიშნავია, რომ სადიოს "ლივერპულთან" მოქმედი ხელშეკრულების ვადა 2023 წლის ზაფხულში ეწურება.