საუკეთესო მეგოლე ბენზემა გახდა — როგორ დასრულდა ჩემპიონთა ლიგის ბომბარდირთა დავა?

ჩემპიონთა ლიგის 2021/22 წლების სეზონის გათამაშების საუკეთესო ბომბარდირი "რეალის" თავდამსხმელი, კარიმ ბენზემა გახდა.

34 წლის ფრანგმა სუპერვარსკვლავმა 15 გოლი გაიტანა, რაც ტურნირის ისტორიაში მეოთხე საუკეთესო შედეგია. რეკორდი კრიშტიანუ რონალდუს ეკუთვნის, რომელმაც 2017/18 წლების სეზონში 15 ბურთი შეაგდო.

მეორე ადგილი "ბაიერნის" თავდამსხმელმა, რობერტ ლევანდოვსკიმ დაიკავა. პოლონელმა მეტოქეთა კარი 13-ჯერ აიღო. მესამეზე კი 11 გოლით "აიაქსის" ფორვარდი, სებასტიან ალე გავიდა.

საუკეთესო ასისტენტად "მანჩესტერ იუნაიტედის" ნახევარმცველი, ბრუნო ფერნანდეში მოგვევლინა - პორტუგალიელის აქტივში 7 შედეგიანი გადაცემაა.

ჩემპიონთა ლიგის 2021/22 წლების სეზონის გათამაშების ბომბარდირთა სია:

1. კარიმ ბენზემა ("რეალი") - 15 გოლი, 2 ასისტი

2. რობერტ ლევანდოვსკი ("ბაიერნი") - 13 გოლი, 3 ასისტი

3. სებასტიან ალე ("აიაქსი") - 11 გოლი, 2 ასისტი

4. მოჰამედ სალაჰი ("ლივერპული") - 8 გოლი, 2 ასისტი

5. რიად მაჰრეზი ("მანჩესტერ სიტი") - 7 გოლი, 2 ასისტი.

კარლო ანჩელოტი ჩემპიონთა ლიგის ისტორიაში ყველაზე ტიტულოვანი მწვრთნელი გახდა!