"ვერ ვიჯერებ იმას, რაც გააკეთა", - ანჩელოტიმ გაამხილა, თუ რა უთხრა კურტუას სეზონის მიმდინარეობისას
"რეალის" მთავარმა მწვრთნელმა, კარლო ანჩელოტიმ ჩემპიონთა ლიგის ფინალის შემდეგ გოლკიპერ ტიბო კურტუას შესახებ ისაუბრა.
მოგეხსენებათ, მადრიდულმა გრანდმა ევროპის მთავარი საკლუბო ტურნირის გადამწყვეტ შეხვედრაში "ლივერპული" (1:0) დაამარცხა, ბელგიელმა მეკარემ კი 9 სეივი განახორციელა.
"რეალში" დაბრუნება ჩემთვის დიდ წარმატებად იქცა. არა ტიტულებზე, არამედ იმ ბედნიერებაზე ვფიქრობ, რომელიც გულშემატკივრებს და ისეთ ფეხბურთელებს მოვუტანეთ, როგორიც კურტუაა".
"მას ვუთხარი: "მე ფინალში გაგიყვან, შენ კი მოიგებ". ასეც მოხდა".
"ბიჭებო, დამიჯერეთ, ვერ ვიჯერებ იმას, რაც ტიბო კურტუამ ამ მატჩში გააკეთა. წარმოუდგენელია", - ციტირებს "პაპა კარლოს" სიტყვებს Marca.